Tifaskiwin d wussan n imuras di Lezzayer
Tifaskiwin d wussan n imuras n tmurt n Lezzayer d tifaskiwin n ddin akked yimuras i d-yesbedd lqanun. Lezzayer tesɛa 14 n wussan usgunfu yettwaxelṣen ay d-tessebded tamendawt tadzayrit. Wussan n usteɛfu ttwajerden deg usaḍuf wis 63/278 n 26 yulyu 1963, yettwakemmel s lqanun wis 66/153 d wis 68/149[1].
Seg useggas n 2018, asfugel n aseggas amaynut amaziɣ, Yennayer, yuɣal ass n usgunfu yettwaxelṣen.
Seg useggas n 2023, ttilint timeɣriwin n lɛiḍ ameqran akked lɛid tamecṭuḥt ɣer kraḍ (03) wussan deg umḍiq n sin (02) wussan uqbel.
Ussan n usgunfu yettwaxelṣen[ẓreg | ẓreg aɣbalu]
Tifaskiwin tiɣelnawin[ẓreg | ẓreg aɣbalu]
| Ass | Isem | Asmekti |
|---|---|---|
| 1 yennayer | Ass n useggas | Ass amezwaru n useggas umussliman |
| 12 yennayer | Yennayer | Ass n asfugel n aseggas amaynut amaziɣ |
| 1er Mayu | Ass Agraɣlan n Yimahalen | |
| 5 Yulyu | Ass n timunent n Lezzayer | Ass n usmekti n tlelli n Lezzayer seg aɛdaw aroumi di 5 yulyu 1962. |
| 1 Wamber | Ass n usebded n tagrawla | Amulli n umenzu n wamber 1954 d ass n usfugel n unkar n tagrawla tamangant n uslelli aɣelnaw. |
Tifaskiwin n ddin[ẓreg | ẓreg aɣbalu]
| Ass | Isem | Asmekti |
|---|---|---|
| 1 Muḥarram | Awal Muḥarram | Ass amezwaru n useggas n yinselmen (Hegire) |
| 10 Muḥarram | Taɛcurt | Ass wis mraw (10) n aggur amenzu n Muḥarram deg wazemez n yinselmen. Smektayen tuffɣa n yimceyyeɛ Musa seg tmurt n Maṣer |
| 12 Rabiɛ al awal | Lmulud | Ass n talalit n nnbi Muḥemmed |
| 1 Ccawwal | Lɛid Tamecṭuḥt | Taggara n Remḍan, ayyur n uẓum d tẓallit i yinselmen (tlata n wussan) |
| 10 ḍu al-hijja | Lɛiḍ Ameqran | "Tafaska n usfel": d usmekti n tazmert n liman n Ibṛahim di Ṛebbi; d taggara n lḥiǧ di Mecca (tlata wussan) |
Ussan ur nelli d imuras[ẓreg | ẓreg aɣbalu]
| Ass | Isem | Asmekti |
|---|---|---|
| 18 Fuṛar | Ass aɣelnaw n umeɣras | Ass n usfuggel n wid yemmuten (ccuhada) i uslelli n Lezzayer |
| 16 Yebrir | Ass n tmusni (Youm el ɛilm) | Tafaska taɣelnawt n tmusni. Ttiεad i yerran tajmilt i tmettant n Ccix Abdelhamid Ben Badis di 16 yebrir 1940. |
| 20 Yebrir | Tafsut n Imaziɣen | Ass ur nelli d unṣib. Ass n usmekti n umennuɣ ɣef idles amaziɣ ilmend n tafsut n imaziɣen n 1980 am wakken i d-ḍrant tedyanin n tafsut taberkant n 2001. |
| 19 Mayu | Ass Aɣelnaw n unelmad | Ass aɣelnaw i lmend n usmekti n usunded n 19 mayu 1956 sɣur yinelmaden izzayriyen |
| 20 Ɣuct | Ass Aɣelnaw n umǧahed | Ass aɣelnaw i iɣeḍmen amulli uslig n unṭag n Ugafa n Qsenṭina (20 Ɣuct 1955) akked Agraw n Ṣummam (20 ɣuct 1956) |
| 17 Tubeṛ | Ass Aɣelnaw n Yinig | Ass aɣelnaw n iminigen d tajmilt i yizzayriyen yeɣlin d imeɣrusen deg tnegzarin n 17 Tubeṛ 1961 deg Fṛansa. |
| 22 Tubeṛ | Ass aɣelnaw n tɣamsa | Asfugel n wuṭṭun amezwaru n uɣmis n Tagrawla Tazzayrit (1955) am wakken ay d-yella usfugel n usuɣal n tanaya taɣelnawt ɣef rradyu d tiliẓri ass n 28 Tubeṛ 1962. |
| 25 Tubeṛ | Ass Aɣelnaw n Ttejra | Ass n uɛiwed n tẓegwa d usḥulfu ɣef twennaḍt d uḥareb ɣef ugama |
- ↑ (en) - « Algérie 2006 - Jours fériés et fêtes légale », Q++ Studio Diary and Calendar Publishing System.
- ↑ Les fêtes musulmanes étant célébrées selon les phénomènes locaux des différentes phases de la lune, les dates sont variables d'année en année.